Monday, 30 June 2014

போட்டித் தேர்வுக்கு தயாராகும் நண்பர்களுக்கு அடைமொழியால் குறிக்கப்படும் நூல்கள் சிலவற்றை பற்றி குறிப்பிட விரும்புகிறேன்.


திருக்குறள்
தமிழ் மறை, முப்பால், உத்திரவேதம், தெய்வ நூல், உலகப்பொது மறை,
வாயுரை வாழ்த்து, வள்ளுவ பயன், பொய்யா மொழி, ஈறடி வெண்பா, இயற்கை
வாழ்வில்லம், காலம் கடந்த பொதுமை நூல், தமிழ் மாதின் இனிய உயிர் நிலை.

சிலப்பதிகாரம்
செந்தமிழ்க்காப்பியம், முத்தமிழ்க்காப்பியம், குடிமக்கள் காப்பியம்,
முதற்காப்பியம், நாடக காப்பியம், மூவேந்தர் காப்பியம், தேசிய காப்பியம், சமுதாயக்காப்பியம், ஒற்றுமைக் காப்பியம், புரட்சிக்காப்பியம், உரைநடையிட்ட பாட்டுடைச்செய்யுள், சிலம்பு, சிறப்பு அதிகாரம்

சிலப்பதிகாரம் / மணிமேகலை - இரட்டைக் காப்பியங்கள்

சீவக சிந்தாமணி - மண நூல், முக்தி நூல், காமநூல், இயற்கை தவம்

அகநானூறு - நெடுந்தொகை

கலித்தொகை - கற்றறிந்தார் ஏற்கும் நூல்

மணிமேகலை / குண்டலகேசி - பௌத்த காப்பியங்கள்

மணிமேகலை - மணிமேகலை துறவு, துறவு நூல்,
பௌத்த காப்பியம்,அறக்காப்பியம், சீர்திருத்தக் காப்பியம்

புறநானூறு - புறம், புறப்பாட்டு,தமிழ் வரலாற்றுக் களஞ்சியம்

பட்டினப்பாலை - வஞ்சி நெடும் பாட்டு

பெரும்பாணாற்றுப்படை - பாணாறு

குறிஞ்சிப்பாட்டு - பெருங்குறிஞ்சி, காப்பியப்பாட்டு,உளவியல் பாட்டு

திருமுருகாற்றுப்படை - புலவராற்றுப் படை, முருகு,கடவுளாற்றுப் படை

நாலடியார் - வேளாண்வேதம், நாலடி நானூறு,குட்டித் திருக்குறள்

நேமிநாதம் - சின்னூல் என்பது

நறுந்தொகை - வெற்றி வேட்கை, திராவிட வேதம்,
தமிழ் மறை வேதம், திருவாய் மொழி

பெரிய புராணம் - திருத்தொண்டர் புராணம், வழிநூல்,திருத்தொண்டர் மாக்கதை, அறுபத்து
மூவர் புராணம்

இராமாயணம் - ராமகாதை, ராம அவதாரம்,
கம்பராமாயணம், சித்திரம்

பழமொழி - முதுமொழி, மூதுரை, உலக வசனம்,பழமொழி நானூறு

ராமாவதாரம் - கம்பர் தன் நூலுக்கு இட்ட பெயர்

தாயுமானவர் பாடல்கள் - தமிழ் மொழியின் உபநிடதங்கள்

குற்றாலக் குறவஞ்சி - குறத்திப்பாட்டு, குறம், குறவஞ்சி நாடகம்

பிள்ளைத் தமிழ் - குழந்தை இலக்கியம்

பள்ளு - உழத்திப்பாட்டு

பரிபாடல் / கலித்தொகை - இசைப்பாட்டு

பெருங்கதை - அகவல் காப்பியம், கொங்குவேள் மாக்கதை

திருமந்திரம் - தமிழர் வேதம்

திருவாசகம் - தமிழ்வேதம், சைவ வேதம், தெய்வத்தன்மை கொண்ட அழகிய வாய்மொழி

நாலாயிர திவ்ய பிரபந்தம் - தமிழ் வேதம்

தொன்னூல் விளக்கம் - குட்டி தொல்காப்பியம்

திருக்கருவைப் பதிற்றுப் பத்தந்தாதி - குட்டி திருவாசகம்

பிள்ளைத் தமிழ் - பத்து பருவங்களைக் குறிக்கும் நூல்

திருவள்ளுவ மாலை - திருக்குறளின் பெருமையைக் குறிக்கும் நூல்

பள்ளு - புலன் எனும் சிற்றிலக்கிய வகை

இலக்கண விளக்கம் - தூதின் இலக்கணம்

நந்தி கலம்பகம் - தமிழின் முதற்கலம்பகம்

புறநானூறு - தமிழர்களின் கருவூலம்

சதுரகாதி - 96 வகை சிற்றிலக்கிய நூல்

தேம்பாவணி - கிருஸ்துவர்களின் களஞ்சியம்

தொல்காப்பியம் /திருக்குறள் - தமிழரின் இரு கண்கள்

இராமாயணம் - வடமொழியின் ஆதி காவியம்

திருவிளையாடற் புராணம் - 64 புராணங்களைக் கூறும் நூல்

பத்துப்பாட்டு - இயற்கை ஓவியம்

கலித்தொகை - இயற்கை இன்பக்கலம்

கம்பராமாயணம் - இயற்கை பரிணாமம்

சிலப்பதிகாரம் /மணிமேகலை - இயற்கை இன்ப வாழ்வு நிலையம்

நாலடியார் - நட்புக்கு கரும்பை உவமையாக கூறும் நூல்

திருப்பாவை - பாவைப்பாட்டு

கலம்பகம் - பதினெட்டு உறுப்புகளை பாடப்பெற்ற நூல்
தமிழகத்தில் வாழும் நாம் நம் தமிழகத்தைப் பற்றியும் தெரிந்து கொள்வோம் :-
" தமிழகம் 25 "

1. தமிழக அரசு முத்திரை கோபுரம் – ஸ்ரீவில்லிபுத்தூர் கோவில் கோபுரம்.
2. தமிழகத்தின் நுழைவாயில் – தூத்துக்குடி
3. தமிழகத்தின் மான்செஸ்டர் – கோயம்புத்தூர்
4. மக்கள் தொகை அதிகமுள்ள மாவட்டம் – கோயம்பத்தூர்
5. மக்கள் தொகை குறைந்த மாவட்டம் – பெரம்பலூர்
6. மிக உயரமான தேசியக்கொடி மரம் – புனித ஜார்ஜ் கோட்டை (150 அடி)
7. மிகப் பெரிய பாலம் இந்தியாவின் முதல் கடல்வழி பாலம் – பாம்பன் பாலம் ( ராமேஸ்வரம் )
8. மிகப் பெரிய தேர் – திருவாரூர் தேர்
9. மிகப்பெரிய அணைக்கட்டு – மேட்டுர் அணை
10. மிகப் பழமையான அணைக்கட்டு – கல்லணை
11. மிகப்பெரிய திரையரங்கு (ஆசியாவில்) – தங்கம் (மதுரை – 2563 இருக்கைகள்)
12. மிகப்பெரிய கோயில் – தஞ்சை பிரகதீஸ்வரர் கோயில்
13. மிகப்பெரிய கோயில் பிரகாரம் – ராமேஸ்வரம் கோயில் பிரகாரம்
14. மிகப்பெரிய கோபுரம் – ஸ்ரீ ரெங்கநாதர் கோயில் கோபுரம் (திருச்சி)
15. மிகப்பெரிய தொலைநோக்கி – காவலூர் வைணுபாப்பு (700 m)
16. மிக உயர்ந்த சிகரம் – தொட்டபெட்டா [ 2,636 m (8,648 ft) ]
17. (உலகின்) மிக நீளமான கடற்கரை – மெரினா கடற்கரை (14 km )
18. மிக நீளமான ஆறு – காவிரி (760 km)
19. மக்கள் நெருக்கம் அதிகமுள்ள மாவட்டம் – சென்னை (25937/km2)
20. மக்கள் நெருக்கம் குறைவாக உள்ள மாவட்டம் – சிவகங்கை (286/km2)
21. மலைவாசல் தலங்களின் ராணி – உதகமண்டலம்
22. கோயில் நகரம் – மதுரை
23. தமிழ்நாட்டின் ஹாலந்து – திண்டுக்கல் (மலர் உற்பத்தி)
24. (ஆசியாவில்) மிகப்பெரிய பேருந்து நிலையம் – கோயம்பேடு பேருந்து நிலையம்
25. மிகப்பெரிய சிலை – திருவள்ளுவர் சிலை (133 அடி)
ஐ.என்.எஸ் விக்ரமாதித்யா சிறப்பு :-


ஐஎன்எஸ் விக்ரமாதித்யா (சமஸ்கிருதம்: विक्रमादित्य, Vikramaditya, "Brave as the Sun") ஆனது முன்னாள்சோவியத் ஒன்றியத்தின் வானூர்தி தாங்கிக் கப்பலான அட்மிரல் கோர்ஷ்கோவ் கப்பலின் புதிய பெயராகும். இது இந்தியாவால் இந்தியக் கடற்படைக்காக வாங்கப்பட்டுள்ளது. 15 ஆண்டுக்குப் பிறகு விக்ரமாதித்யா முழுமையாக கட்டி முடிக்கப்பட்டுள்ளது. ரஷ்யாவில் நடைபெறும் விழாவில், இக்கப்பல் இந்திய கடற்படையில் சேர்க்கப்படுகிறது.
விக்ரமாதித்யா 1978-1982ல் கருங்கடல் கப்பல் கட்டும் தளம், மிகொளைவ், உக்ரைனில் கட்டப்பட்ட கிவ் வகுப்பு வானூர்தித் தாங்கிக் கப்பலின் மாறுதல் செய்யப்பட்ட கப்பல் ஆகும். இந்தக் கப்பல் தற்போது உருசியாவின் செவ்மாஷ் கப்பல் கட்டும் தளத்தில் பெருமளவில் மேம்படுத்தப்பட்டுள்ளது. இது ரூ.14,483 கோடியில் உருவாக்கப்பட்டுள்ளது.
  • கப்பலின் மொத்த எடை 44,500 டன்கள். 
  • நீளம் - 284 மீட்டர்
  • உயரம் - 60 மீட்டர்
  • நீர்மூழ்கிக் கப்பல்களை தேடிச் சென்று தாக்கி அழிக்கக் கூடிய ஏவுகணைகள் 28
  • 20க்கும் மேற்பட்ட மிக்-29 கே ரக விமானங்களை தாக்கி செல்லும் திறன்
  • கண்காணிப்பை மேற்கொள்வதற்கு உதவியாக 10 ஹெலிகாப்டர்களை சுமந்துச் செல்லும்.
  • போர்க் கப்பல்களை தாக்கி அழிக்கக் கூடிய ஏவுகணைகள்
  • இந்தக் கப்பலால், தன்னை சுற்றியுள்ள 700 கடல் மைல்கள் தொலைவுக்கு கண்காணிப்புப் பணியில் ஈடுபட முடியும்.
  • 1,600-க்கும் மேற்பட்ட பணியாளர்களை கொண்டு இயங்கும்.
  • ஒரே சமயத்தில் 7,000 முதல் 13,000 கடல் மைல்கள் பயணம் செய்து கண்காணிப்புப் பணியில் ஈடுபட முடியும்

திருக்குறளைப்பற்றி சில அரிய தகவல்கள் :- 


தமிழ்நாடு அரசு பணியாளர் தேர்வாணையத்தால்(TNPSC)  நடத்தப்படும் தேர்வுகளிலபொதுத்  தமிழ் பகுதியில் பகுதி ஆ.1.திருக்குறள் தொடர்பான செய்திகள்மேற்கோள்கள்  தொடரைநிரப்புதல் பகுதியில் அன்பு, பண்பு, கேள்விஅறிவு, அடக்கம், ஒழுக்கம்,  பொறை, நட்பு, வாய்மை, காலம், வலி ஒப்புரவறிதல், செய்நன்றி, சான்றாண்மை,  பெரியாரைத்துணைக் கோடல்,பொருள் செயல்வகை, வினைத்திட்பம், இனியவை கூறல்.  போன்ற 19 அதிகாரம் மட்டும் இடம் பெற்றுள்ளன. 

திருக்குறளைப்பற்றி சில அரிய தகவல்களை பார்ப்போம்.   "இறைவன் மனிதனுக்குச் சொன்னது கீதை மனிதன் இறைவனுக்குச் சொன்னது  திருவாசகம் மனிதன் மனிதனுக்குச் சொன்னது திருக்குறள்" மனித வாழ்வின்  முக்கிய அங்கங்களாகிய அறம் அல்லது தர்மம், பொருள் இன்பம் அல்லது காமம்  ஆகியவற்றைப்பற்றி விளக்கும் தமிழில் உள்ள நூல்களிலேயே சிறப்பிடம் பெற்ற  நூல் திருக்குறள்.   இந்நூலை இயற்றியவர் திருவள்ளுவர். திருக்குறளை இயற்றியவர்  திருவள்ளுவர். இவரது காலம் கி.மு.31 என்று கூறுவர். இதை தொடக்கமாகக்  கொண்டே திருவள்ளுவர் ஆண்டு கணக்கிடப்படுகிறது. இவரது ஊர், பெற்றோர்  குறித்த முழுமையான செய்திகள்  கிடைக்கப்பெறவில்லை. .  

திருவள்ளுவர் செஞ்ஞாப்போதார், தெய்வப்புலவர், நாயனார், முதற்பாவலர்,  நான்முகனார், மாதானுபங்கி, பெருநாவலர், பொய்யில்புலவர் என பல சிறப்புப்  பெயர்களால் போற்றப்படுகிறார்.   திருவள்ளுவர் ஆண்டு கணக்கிடும் முறை: கிறிஸ்து ஆண்டு (கிபி) + 31 =  திருவள்ளுவர் ஆண்டு. எ.கா: 2014 +31 = 2045 (கி.பி.2014-ஐ திருவள்ளுவர் ஆண்டு 2045  என்று கூறுவோம்) 

* திரு+குறள்= திருக்குறள் 

* திருக்குறள் உலகப்புகழ் பெற்ற தமிழ் இலக்கியமாகும்.

* திருக்குறள் இரண்டு அடிகளாலான குறள் வெண்பாக்களால் ஆனது.

* திருக்குறள் முதன்முதலில் அச்சிடப்பட்ட ஆண்டு - 1812 

* திருக்குறளின் முதல் பெயர்- முப்பால்

* திருக்குறளில் அதிகாரத்திற்குப் பத்துப்பாடல்களாக 133 அதிகாரங்களையும், 1330 குறள்களையும் கொண்டது.

* திருக்குறள் அறத்துப்பாலில் உள்ள குறட்பாக்கள்-380

* திருக்குறள் பொருட்பாலில் உள்ள குறட்பாக்கள்-700 

* திருக்குறள் காமத்துப்பாலில் உள்ள குறட்பாக்கள்-250

* திருக்குறள் தமிழ்ச் செய்யுள்களில் முதல் பாவாகிய வெண்பாவில் முதல்  வகையாகிய குறட்பாக்களால் ஆனது. 

* திருக்குறள் முப்பால்களை கொண்டது. அவை அறத்துப்பால், பொருட்பால்,  காமத்துப்பால் ஆகியவை ஆகும்.

* அறத்துப்பாலில் 38 அதிகாரங்கள், பொருட்பாலில் 70 அதிகாரங்கள்,  காமத்துப்பாலில் 25 அதிகாரங்கள் இடம் பெற்றுள்ளன.

* திருக்குறளில் ஒரே பெயரில் அமைந்த 2 அதிகாரங்கள்: குறிப்பறிதல் -  (பொருட்பால் - அதிகாரம் 71) குறிப்பறிதல் - (காமத்துப்பால் - அதிகாரம் 110)

* திருக்குறளில் முப்பால்களிலும் 120-க்கும் மேற்பட்ட உவமைகள்     எடுத்துக்காட்டப்பட்டுள்ளன. திருக்குறளில் அனிச்ச மலர் 4 முறையும்,    யானை 8 முறையும், பாம்பு 3 முறையும் சுட்டப்பட்டுள்ளன.

* திருக்குறள் அகரத்தில் தொடங்கி னகரத்தில் முடிகிறது.

* திருக்குறளில் பயன்படுத்தப்படாத ஒரே உயிரெழுத்து-ஒள

* திருக்குறளில் இருமுறை வரும் ஒரே அதிகாரம்- குறிப்பறிதல்

* திருக்குறளில் அதிகம் பயன்படுத்தப்பட்ட (1705) ஒரெஎழுத்து-னி 

* திருக்குறளில் ஒரு முறை மட்டும் பயன்படுத்தப்பட்ட இரு எழுத்துக்கள்-ளீ,ங 

* திருக்குறளில் இடம்பெறாத இரு சொற்கள்- தமிழ், கடவுள் 

* திருக்குறளில் உள்ள சொற்கள்-14,000

* திருக்குறளில் உள்ள மொத்த எழுத்துக்கள்- 42,194

* திருக்குறளில் தமிழ் எழுத்துக்கள் 247-இல், 37 எழுத்துக்கள் மட்டும் இடம் பெறவில்லை

* திருக்குறளில் 46 குறள்களில் உயிரினங்கள் குறிப்பிடப்பட்டுள்ளன.

* திருக்குறள் மாந்தர்கள் தம் அகவாழ்வில் சுமுகமாக கூடி வாழவும், புற வாழ்வில் இன்பமுடனும் இசைவுடனும் நலமுடனும் வாழவும் தேவையான        அடிப்படைப் பண்புகளை விளக்குகிறது.

* திருக்குறள் சங்க இலக்கிய வகைப்பாட்டில் பதினெண்கீழ்க்கணக்கு எனப்படும் பதினெட்டு நூல்களின்    திரட்டில்இருக்கிறது. இது அடிப்படையில் ஒரு வாழ்வியல் நூல்.

* திருக்குள் அறம், பொருள், இன்பம் அல்லது காமம் என்னும் முப்பெரும்         பிரிவுகளாய் (முப்பால்) பிரித்தும் அழகுடன் இணைத்தும் கோர்த்தும்         விளக்குகிறது. 

* திருக்குறளில் இடம்பெறும் இருமலர்கள் - அனிச்சம், குவளை 

* திருக்குறளில் இடம்பெறும் ஒரே பழம் - நெருஞ்சிப்பழம்

* திருக்குறளில் இடம்பெறும் ஒரே விதை - குன்றிமணி

* திருக்குறளில் இடம்பெற்ற இரண்டு மரங்கள்- பனை, மூங்கில்
 
* திருக்குறளில் பத்து அதிகாரப் பெயர்கள் உடைமை என்னும் சொல்லில் அமைந்துள்ளன.

* திருக்குறளுக்கும் ஏழு என்னும் எண்ணிற்கும் பெரிதும் தொடர்புள்ளது.

* திருக்குறளில் ஏழு என்ற சொல் எட்டுக் குறட்பாக்களில்          எடுத்தாளப்பட்டுள்ளது.


Wednesday, 25 June 2014

தமிழ்நாட்டு வானம்பாடி

தமிழ்நாட்டு வானம்பாடி முடியரசன் (துரை ராசு) !


வாழ்க்கைக் குறிப்பு :

இயற் பெயர் : துரை ராசு
பிறப்பு : 07-10-1920 
ஊர் : மதுரையை அடுத்துள்ள பெரியகுளம்
பெற்றோர் : சுப்புராயலு, சீதாலட்சுமி


சிறப்பு பெயர்கள் :
கவியரசு (பறம்பு மலையில் நடைபெற்ற விழாவில் குன்றக்குடி அடிகளார் அவர்களால் வழங்கப்பட்டது)
தமிழ்நாட்டு வானம்பாடி (அறிஞர் அண்ணா அவர்களால் வழங்கப்பட்டது)

நூல்கள் :

முகில் விடு தூது 
தாலாட்டுப் பாடல்கள்
கவியரங்கில் முடியரசன்
முடியரசன் கவிதைகள் 
பாடுங்குயில் 
காவியப்பாவை 
ஞாயிறும் திங்களும் 
மனிதனைத் தேடுகிறேன் 
பூங்கொடி (தமிழ் தேசிய காப்பியம், 1996-ல் தமிழக அரசின் பரிசு பெற்றது)
வீர காவியம் (தமிழ் வளர்ச்சி கழகத்தின் பரிசு பெற்றது)
நெஞ்சு பொறுக்குதில்லையே

சிறப்புகள் சில :-

காரைக்குடி மீனாட்சி சுந்தரம் உயர் நிலைப்பள்ளியில் தமிழ் ஆசிரியராகப் பணிபுரிந்தார்.

தமிழில் பிற மொழி கலப்பதை வன்மையாக கண்டித்தார்.

தந்தை பெரியாரிடமும், அறிஞர் அண்ணாவிடமும்  நெருங்கிப் பழகினார்.

சாதி மறுப்பு திருமணம் செய்து கொண்டவர்.

தமது மறைவின் பொழுதும் எச்சடங்குகளும் வேண்டாம் என்று உரைத்து அவ்வாறே நிறைவேறச் செய்தவர்.

தமிழ் மொழி வளர தமிழை வாழ்த்தி இவர் பாடும் பாடல் நம்மை தமிழ்ப்பற்றுக்கு இலக்காக்கி ஈர்த்துச் சென்றுவிடும். 

"தாயே உயிரே தமிழே நினைவணங்கும்
சேயேன் பெறற்கரிய செல்வமே - நீயே
தலைனின்றாய் இவ்வுலகில் தாள்பணிந்தேன் நீ இங்கு
இலை என்றால் இன்பம் எனக்கு ஏது?

முடியரசன் அவர்கள் 1988 ஆம் ஆண்டு கலைஞர் விருதும் 1987 ஆம் ஆண்டு பாவேந்தர் விருதும் 1998 ஆம் ஆண்டு கலைமாமணி விருதும் 1993 இல் அரசர் முத்தையாவேள் அவர்களின் நினைவுப் பரிசும் பெற்றார்.

இவரின் படைப்புகள் சாகித்திய அகாதெமியினால் இந்தி மற்றும் ஆங்கில மொழியில் பெயர்க்கப்பட்டு வெளியிடப்பட்டுள்ளன.

பள்ளி மற்றும் கல்லூரிகளில் இவருடைய படைப்புகள் பாடமாக வைக்கப்பட்டுள்ளதோடு படைப்புகள் அனைத்தும் நாட்டுடைமையாக்கப்பட்டுள்ளன.

திரைப்படங்களுக்குப் பாடல் மற்றும் கதை வசனம் எழுதி திரைத்துறைக்கு அரும்பணியாற்றினார்.  சில காலம் மதுரை காமராசர் பலகலைக்கழகத்தின் தமிழியற் துறையில் பணியாற்றியுள்ளார்.




உவமைக் கவிஞர் சுரதா !

உவமைக் கவிஞர் சுரதா !

சுரதாவின் இயற்பெயர் இராசகோபாலன். தஞ்சை மாவட்டம் பழையனூர் (சிக்கல்) என்னும் ஊரில் நவம்பர் 23, 1921-ல் பிறந்தவர்.  பெற்றோர் திருவேங்கடம், சண்பகம் அம்மையார் ஆவர். புரட்சிக் கவிஞர் பாரதிதாசனிடம் கொண்ட பற்றுதலால் பாரதிதாசனின் இயற்பெயராகிய சுப்புரத்தினம் என்பதின் அடிப்படையில் தன் பெயரை சுப்புரத்தினதாசன் என்று மாற்றிக்கொண்டார். தன் மாற்றுப்பெயரின் சுருக்கமாக சுரதா என்னும் பெயரில் பல மரபுக்கவிதைத் தொகுப்புகள் தந்தவர். செய்யுள் மரபு மாறாமல் எழுதிவந்த இவர் உவமைகள் தருவதில் தனிப்புகழ் ஈட்டியவர். இதனால் இவரை உவமைக் கவிஞர் என்று சிறப்பித்துக் கூறுவர்.

சுரதாவின் படைப்புகள் :-

தேன்மழை (கவிதைத் தொகுப்பு, 1986)
துறைமுகம் (பாடல் தொகுப்பு, 1976)
சிரிப்பின் நிழல் (பாடல் தொகுப்பு)
சுவரும் சுண்ணாம்பும் (பாடல் தொகுப்பு, 1974)
அமுதும் தேனும், 1983
பாரதிதாசன் பரம்பரை (தொ.ஆ), 1991
வினாக்களும் சுரதாவின் விடைகளும்
உதட்டில் உதடு
எச்சில் இரவு
எப்போதும் இருப்பவர்கள்
கலைஞரைப் பற்றி உவமைக் கவிஞர்
சாவின் முத்தம்
சிறந்த சொற்பொழிவுகள்
சுரதா கவிதைகள் (கையடக்கப் பதிப்பு)
சுவரும் சுண்ணாம்பும்
சொன்னார்கள்
தமிழ்ச் சொல்லாக்கம்
தொடாத வாலிபம்
நெஞ்சில் நிறுத்துங்கள்
பட்டத்தரசி
பாவேந்தரின் காளமேகம்
புகழ்மாலை
மங்கையர்க்கரசி
முன்னும் பின்னும்
வார்த்தை வாசல்
வினாக்களும் சுரதாவின் விடைகளும்
வெட்ட வெளிச்சம்

சுரதாவின் சிறப்புகள் :-

1969 இல் தேன்மழை என்ற சுரதாவின் கவிதை நூலுக்குத் தமிழக அரசின் பரிசு கிடைத்தது.

1972 இல் தமிழக அரசு சுரதாவுக்குக் கலைமாமணி என்னும் விருது வழங்கிச் சிறப்பித்தது.

1978 இல் ம.கோ.இரா. தலைமையில் அமைந்த அரசு பாவேந்தர் பாரதிதாசன் விருது வழங்கிச் சிறப்பித்தது.

தமிழக அரசு சுரதாவின் நூல்களை நாட்டுடைமையாக்கி அவர் குடும்பத்திற்குப் பத்து இலட்சம் உரூவா பரிவுத்தொகை வழங்கியுள்ளது(2007).

1982 இல் சுரதாவின் மணிவிழாவையொட்டி நாவலர் நெடுஞ்செழியன் தலைமையில் நடந்த விழாவில் ரூபா அறுபதாயிரம் பரிசாகத் தரப்பெற்றது.

1982 இல் சுரதாவின் கவிதைப் பணிகளைப் பாராட்டிக் குன்றக்குடி அடிகளார் தலைமையில் நடந்த விழாவில் கவியரசர் பட்டம் வழங்கப்பட்டது.

1987 இல் மலேசியாவில் நடந்த உலகத்தமிழ் மாநாட்டிற்குச் சிறப்பு அழைப்பாளராக அழைக்கப்பெற்றார்.

1990 இல் கலைஞர் அரசு பாரதிதாசன் விருதினைச் சுரதாவுக்கு வழங்கியது.

1990 இல் கேரளாவில் மகாகவி குமரன் ஆசான் விருது சுரதாவுக்குக் கிடைத்தது.

சுரதாவின் தேன்மழை நூலுக்குத் தஞ்சாவூர் தமிழ்ப் பல்கலைக்கழகத்தின் ரூபா ஒரு இலட்சம் இராசராசன் விருது வழங்கப்பட்டுள்ளது.

29.09.2008 இல் சென்னையில் விடுதலைச் சிறுத்தைகள் கட்சியின் சார்பில் சுரதாவுக்கு நினைவுச்சிலை நிறுவப்பட்டு கலைஞர் கருணாநிதி அவர்களால் திறந்து வைக்கப் பெற்றுள்ளது. 

சுரதாவின் கவிதைகள் பள்ளி, கல்லூரி, பல்கலைக்கழகங்களில் பாடநூல்களில் இடம்பெற்றுள்ளன. சுரதாவின் கவிதைகள் பல மொழிகளில் மொழிபெயர்க்கப்பட்டுள்ளன.

சுரதாவின் முதல் நூல் சாவின் முத்தம். இதனை வி.ஆர்.எம்.செட்டியார் என்பவர் 1946 மார்ச்சு மாதம் வெளியிட்டார். 1956 இல் பட்டத்தரசி என்ற சிறு காவிய நூலை வெளியிட்டார். 1954 இல் கலைஞர் கருணாநிதியின் முரசொலி இதழில் தொடர்ந்து கவிதைகள் எழுதி வந்தார்.

1955 இல் காவியம் என்ற வார இதழைத் தொடங்கினார். இவ்விதழைத் தொடர்ந்து இலக்கியம்(1958), ஊர்வலம்(1963), விண்மீன்(1964), சுரதா(1988) எனக் கவிதை வளர்ச்சிக்குப் பல இதழ்களை வெளியிட்டார்.

1971 ஆம் ஆண்டு ஆனந்தவிகடன் இதழில் சுரதா திரைப்பட நடிகைகளின் அகவாழ்க்கையைப் பற்றி எழுதிய கவிதைகள் பெரும் வரவேற்பைப் பெற்றன. பின்னாளில் இக்கவிதைகள் தொகுக்கப்பட்டு சுவரும் சுண்ணாம்பும் என்னும் பெயரில் நூல் வடிவம் பெற்றுள்ளது(1974).

பாரதிதாசனின் தலைமாணாக்கராகக் கருதத்தகும் கவிஞர் சுரதா அவர்கள் பல நூல்களாக இருந்த பாவேந்தர் கவிதைகளை ஒரே தொகுப்பாக வெளியிடும் முயற்சியில் ஈடுபட்டுத் திருவாசகன், கல்லாடன் பெயரில் அந்த நூல் வெளிவரக் காரணமானார். உலகின் அரிய செய்திகளைப் பட்டியலிட்டுக் காட்டும் சுரதா இல்லத்தில் அரிய நூல்கள் கொண்ட நூலகத்தை உருவாக்கினார்.

தமிழ், கவிதை, புகழ் ஆகியவற்றில் ஈடுபாடு கொண்ட புரவலர்கள், ஆர்வலர்கள் ஆகியோரை இணைத்துச் சில வினோதக் கவியரங்கங்களை நடத்துபவராக இருந்தார் சுரதா. படகுக் கவியரங்கம், கப்பல் கவியரங்கம், விமானக் கவியரங்கம் முதலியவை அவை. கவியரங்குகளைக் கொண்டாட்ட நிகழ்வாக மாற்றியதில் அவருக்கு மிகுந்த பங்குண்டு.

பாவேந்தர் தலைமையில் இயங்கிய தமிழ்க்கவிஞர் பெருமன்றத்திற்கு 1966 இல் தலைவராகத் தேர்ந்தெடுக்கப்பெற்றார்.

சுரதாவின் மறைவு :-

சுரதா தன்னுடைய 84ம் வயதில் 20.06.2006 இல் சென்னையில் உடல் நலக்குறைவால் காலமானார்.  சுரதாவுக்குச் சுலோசனா என்ற மனைவியும், கல்லாடன் என்ற ஒரே மகனும் உள்ளனர். இவரின் மருமகள் பெயர் இராசேசுவரி கல்லாடன். பெயரர்கள் இளங்கோவன், இளஞ்செழியன் என இருவர்.

Friday, 6 June 2014

உயர் தமிழில் ஓர் உலா !

வணக்கம்,

இந்த வலைத் தளத்திற்கு வருகை செய்யும் உங்கள் அனைவருக்கும் நன்றிகள் பல. இந்த வலைத் தளத்தின் நோக்கமாக நான் மேற்கொள்ளும் பதிவுகள் அனைத்தும் நான் படித்த, நண்பர்களிடம் கேட்டுத் தெரிந்த, பல்வேறு வலைப் பக்கங்களிலும், நூல்களிலும் உள்ள பதிவுகளே. பல்வேறு செய்திகளின் தொகுப்பாகவே இதை பார்கிறேன். நண்பர்கள் அனைவரும் பயன்பெற விரும்புகிறேன். நன்றி ! ! !

சித்தர்களும் யோகிகளும்
சிந்தனையில் ஞானிகளும்
புத்தரோடு ஏசுவும்
உத்தமர் காந்தியும்

எத்தனையோ உண்மைகளை
எழுதி எழுதி வச்சாங்க
எல்லாந்தான் படிச்சீங்க
என்ன பண்ணிக் கிழிச்சீங்க?

இது 1959-ல் பட்டுக்கோட்டையார் இந்த சமூகத்தை நோக்கி எழுப்பிய கேள்வி. இந்த கேள்விக்கு விடையளிக்கும் என் சிறிய முதல் முயற்சி இது.